Hindi dahil mukhang kawayan si Tito Tony kundi naaalala ko ang kwento na iyon dahil kay Tito Tony. Matagal na rin na wala kaming imbitasyon para kumanta kaya kung anu-ano na ang nasa isip ko. Napaka-simpleng tanim ang kawayan gayun din si Tito Tony pero gaya ng isang kawayan marami ang tulong na dulot ng kawayan maari siyang maging isang bahay na pwedeng silungan ng isang ma-anak. Nagkaroon din ng proyekto si Tito Tony na GAWAD KALINGA, dahil sa kanya marami ang nagkaroon ng maayos na tahanan ang isang mag-anak at isa lang ako sa natulungan ng proyektong iyon. Ang kawayan din ang nagsisilbing daluyan ng tubig mula sa irigasyon upang maabot ang mga tanim. Si Tito Tony ang naging daan ng maraming mahihirap upang magkaroon ng maayos at disenteng tirahan at dahil may maayos na kaming tirahan naka-isip ang mga kabataan ng bagay na makakatulong din sa iba at iyon ay ang choir. Sa tulong ng CYD (Child and Youth Developrment) sa pangunguna ni Tita Malou Orlina ay napalakas ang proyektong iyon ng mga kabataan tulad ko. Siyempre kasama na dito si Tita Vicky na laging sumusoporta at sa aming Musical Director na si Kuya Peter. Nakita niyo dahil sa simpleng kawayan nagkakaroon ng malago at mayabong na tanim, tulad ni Tito Tony at sa kanyang proyekto ay nagbunga ng mabuting mamamayan at kabataan sa aming lugar. Naisip ko rin na kung sana lahat tayo magiging si Bong-Bong Kawayan ay marami tayong matutulungan. Kaya nga ang mga Choir memebers ay handa ring tumulong sa ibang kabataan kahit sa simpleng maging inspirasyon kami ng ng mga kabataan.

CHANDA